பிரபாகரம்

கருப்பை Black Bag

வட்டி

வரிகட்டாத

தொழிலாளர்

நேரத்தைச்

சுருக்கி

தேகத்தைச்

சுரண்டி

இரத்தத்தைப்

பிழிந்து

சேர்த்த பணம்

தனி வீட்டுப்

பெட்டக

வயிற்றினுள்

பண்ணைச் சீவியம்!

வேட்டைக்காரன்

சாந்தம் அண்ணன்

வடிஎண்ணெய் ஊர்தி

மந்தை ஆடுகள்

மடிமுட்டிக் குடிக்கும்

குட்டிகள்

கறவை மாடுகள்

கன்றுகள்

குஞ்சுகளைக் காக்க

கொத்த வரும்

குருகுகள்

வெள்ளைச் சேவல்கள்

வெகுண்டோடும்

பேடுகள்

கடாயுயர

கடுவன் நாள்

அழுக்கு வாளிகள்

மழைத் தூறல்கள்

கதிரையின் கனைப்பு

கூவும் சத்தம்

உணவு மணியொலிப்பு

காஞ்சோண்டி

பருப்பு

கூழ்

அப்பா! அப்பப்பா!

விறகுச்சூட்டு வெக்கை

சுடச்சுட உறிஞ்சிக்

குடிக்கும் சிலநிமையம்

ஓய்வு நேரம்

நிழற்படம்

மீண்டும் திட்டம்

வேலை நேரம்

வீட்டுத் தோட்டம்

நெசவுக் கூடம்

கைவினை மண்டபம்

காந்தியின்

மண்டேலாவின்

படங்கள்

சிசிலின்

ஆளுமையை

விளக்கியபடி

விடைபெற்ற மட்ட

தோட்டப் பயிர்களை

நாட்டும் பொழுது

நகர்ந்தது

நாழி

அதுவொரு

பண்ணைச்

சீவியம்!

மே 18

மே 18

மாந்த நேயம்

மன்பதை என

வாயடிக்கும்

நோர்வேயும்

கைவிட்ட நாள்

நோபலுக்கும்

ஆபிரகாம்

லிங்கனுக்கும்

காந்திக்கும்

ஏன்

புத்தனுக்கும்

வல்லரசுகளால்

கரிபூசிய

நாள்

மருத்துவமனை

மரத்தடியில்

நோயாளிப்பெண்கள்

பாலியலில்

வன்புண்ரப்பட்ட

பேயாடி

ஆட

ஒரு தேசியம்

தன்னுரிமைக்காய்

நாடமைக்க

அத்தனையும்

இழந்து

ஏதிலிகளாய்

சிவந்துபோன

முல்லைக்கலருகே

மூச்சிறுக்கிய நாள்

வைத்திலிங்கம் சுந்தரலிங்கம்

Lankasri Notice!

என்னம்மைக்கு மூத்தவனே

எடுத்துக்காட்டாய் வாழ்ந்தவனே

உன்மனைவி பிள்ளைகளை

ஏன்பிரிந்து சென்றனையோ!

வைத்திலிங்கம் யோகம்மாவின்

வயிற்றிலுதித்த வைரமே!

வான்படை வீரனாயும்

ஞானம்ஸ் நிருவாகியாயும்

சனசமூக செயற்பாட்டாளராயும்

தினமியங்கிய பொறுப்பாளனே!

நான்பார்க்கும் போதெல்லாம்

தாளிகையும் கையுமாய்

நிழல்பிடிப்பதில் படப்பிடிப்பாளராய்

வாய்நிறைய ஆங்கிலதோடு

வலம்வந்தாய் தாய்மாமனே!

தங்கைக்குச் சீர்கொடுத்து

தங்கத்தை அனுப்பிவைத்து

அவளீன்ற மகனைநீ

ஆராட்டி ஓராட்டி

பாராட்டி வளர்த்ததனால்

தமிழ்திரட்டில் உனைவைத்தேன்

வாழ்க நின் புகழே!

கிட்டண்ணன்

பட்டுப் போலும் மேனி
முத்துப் போலும் சிரிப்பு
கனல் போலும் விழிகள் - அவற்றை
கவனமாய்ப் பேணும் கண்ணாடி
கிட்டண்ணனுக்கு இவை மட்டுமா?
சிறப்பு இல்லை இல்லை
பட்டறிவைப் பாடமாக்கும் நேர்த்தி
பார்த்தவற்றைப் படமாக்கும் கீர்த்தி
சட்டென்று முடிவெடுக்கும் கூர்மதி - அது
சண்டாளரைக் குறிபார்க்கும் செய்மதி
பட்டென்று சினம் வருமவருக்கு
பளார்பளார் ஏச்சுவிழும் பலருக்கு
கூட்டாளியாக இருந்தாலும் - புதுப்
போராளியாக இருந்தாலும்
புலிவீரர் தவறு செய்தால்
பொறுத்துக் கொளார்
களத்திலே நிற்போனுக்கு
குளப்படி தேவையில்லை என்பாரத்
தளபதியின் நோக்கும் செயலும்
தளராத நெஞ்சுந்தான் தேவை நமக்கும்

அரச கோட்டைக்குள் தினேசைத் தூதனுப்பி
கொடியவரின் நெஞ்சையும் குளிரச்செய்து
கைதிகளின் பரிமாற்றம் செய்யும்போது
காலில் விழுந்து கும்பிட்டார்
புத்தர் குடும்பத்தார்
அதுதான் தமிழீழம்
அது தான் புலிவீரம்
அது தான் தமிழர் வீரம்
விடுதலையின் வாயிலைத் திறந்து வைத்து
விடலைகள் எம்மைக் கவலையின்றிச்
சுதந்திரமாய்ப் பேணிய கிட்டண்ணன்
படிக்காமல் திரிகின்ற
மாணவரைக் கூப்பிட்டழைத்துக்
குட்டுவிழும்,
பெண்களைக் கேலிசெய்தால்
பொறுப்பின்றி நடந்தால்
எரிச்சலோடு எச்சரிப்பும்
பெண்களுக்கு மதிப்பளித்த
முதலியக்கம் அல்லவா!
அவர்க்கு வீரத்தைப்
பயிற்றிய வீரனும் அல்லவா? - அவர்

மேடையில் ஏறிப் பேசும்போழ்து
மேதைகள் தோற்றுப் போவார்
மேலை நாட்டவரின் கேள்விஒன்று
எது தமிழீழம் என்றபோது
சிங்களன் குண்டுகள்
எங்களெல்லாம் வீழ்ந்ததோ
அங்கலெல்லாம் தமிழர் குடிநிலம்
அதுவேயெம் தன்னேரில்லாத் தமிழீழம்
பொங்கும் தமிழரின் பிள்ளையவன் - அச்
சங்கத் தமிழ்மகனை எவரும்
வாயால் வெல்லவும் முடியுமோ?!
அவன் தான் கிட்டண்ணன் - அவனின்

கால் ஒன்றை ஒடித்தபோது
கண்ணீர் சிந்தி அழுதது
காலுக்காக இல்லையடா தம்பி அவன்தன்
காலுக்கு இல்லையடா......., - ஒற்றைக் காலோடும்
வேலன் மகன் ஆணைப்படி
வெளிநாடும் வந்து போனார்
புலம்பெயர்ந்து வந்தவருள்
பொறுப்புணர்வைக் கொடுப்பதற்கே....அப்போழ்து
சலையில் நின்றாலும்
வெள்ளையர் மனம்நோக
நில்லாதீர் என்பார்
அப்படிப் பக்குவம் அவர்தான் கிட்டண்ணன்

முள்ளிக்கரை வாய்க்காலில்
பிஞ்சுகளை கிழித்தபோது
முரட்டு எதிரிக் கைதிகளைப்பேணி
வெண்கொடி முன்னே கையளித்த
மேதகு தலைவன் இயக்கத்தை
பேதைகள் போலும் பேசாதீர் மக்காள்
போர்நெறிக்கு இழுக்காகா
உண்மையொன்றைத் தெளிந்து,
பொறு பொறுதிரு, பொறு பொறுத்திரு

களத்தில் நின்றபடி
கரும்புலிகள் நெறிப்படி
எல்லைகள் தாண்டியும்
தீயை மூட்டி நீறாக்கியிருக்கலாம்
எல்லை பகுப்புக்குள்
இருபதினாயிரத்து முந்நூற் றெண்பது
சதுரக்கல்லுக்குள் தான்
போராட வேண்டும், நாம் போராட வேண்டும்
கிட்டண்ணன் படையணியும் தான்
அப்பணியில் நடைபோடும்.................!
ஈற்றிலே ஒன்றுரைப்பேன் உனக்கு
கிட்டண்ணன் வரலாற்றை
படி தம்பி உன்
புத்திக்கும் கூர்மை வரும்
களத்தில், தரிசனம், நிதர்சனம், ஒளிவீச்சு போல்
உள்ளத்தில் வெளிச்சம் வரும்
வங்கத்தில் தம்மை எரியூட்டி
இந்திய சூழ்ச்சியை
எங்களுக்கு உரைக்காமல் உரைத்த
கிட்டண்ணனன் வழிக்கு உரமிடு
வா! வந்து இனத்துக்காய் வாதிடு
தா! உன் தைரியத்தில்
ஒளி பாச்சு
இருள் மங்கி ஒளியாகும்
கிட்டண்ணன் சொல் பலிக்கும்! நிச்சம்!

மாவீரர் மாதம்

புலியுடை பூண்டு களத்திலே நின்று
வலியினைத் தாங்கி வரைந்திடும் கவிதை
கார்த்திகை மாதம் மாவீரர் சூடும்
கார்த்திகை பூவாய் கமகமக் கும்மே
ஆயினும் இன்றோ அவலமே சூழ்ந்து
பாயிரம் பாட முடியா மண்ணுக்காய்
ஆயிர மாயிரம் வீழ்ந்த நாயகர்க்காய்
வாயுரை யேனும் வழங்குதல் நன்றே
பிள்ளைகாள் கேளும் இளைஞர்காள் கேளும்
உள்ள முருகி ஒன்றான மக்காள்
ஒருமுறை எனது வலியையும்
பொறுமையாய் நின்று கேளும் கேளுமே!

ஒற்றைப் புலியாய் உறுதியின் வலிமையாய்ப்
பற்றைக் காடுகளில் பதுங்கி வாழ்ந்து
சிங்களப் படைஞரின் பாசறை நொருக்கி
வங்கம் சிலிர்க்க வாகை கொண்டு
எங்கும் இமைக்கும் விண்மீன் விசும்பில்
ஏறித் திரிந்து பகைவன் குகைக்குள்
சீறிப்பாய்ந்து செருக்கை இடித்துச்
செறுக்களம் வெல்லசீர்ப் படுத்திய தலைவனே!

நாங்கள் தமிழர் கோழை களாய்த்திரிய
நொந்து வெந்து நீறாப் போக
சொந்த மண்ணை இழந்து வாஅட
சூழுரைத்தான் சூரியத் தேவன்பிர பாகரனே!
நாளும் பொழுதும் தூக்கம் துறந்து
ஏலும் என்றோர் பலரை இணைத்துப்
போர்ப்பயிற் சியளித்து பெருவீர ராக்கி
சீறு மெரிகணை நடுவே நிறுத்தி
ஈட்டிய வெற்றிகள் எண்ணி லடங்கா
தீர்ந்து கிடக்கும் தீவுகள் தொட்டு
ஆர்ப்பரித் தோடும் மணலாறு வரையும்
வரிப்புலி வரைந்த தமிழீழ எல்லைக்குள்
வீறு கொண்டு வீரர்கள் நடந்தனரே!

ஒருவரைப் பாடவோ இருவரைப் பாடவோ
ஒவ்வொரு புலியும் ஒவ்வோர் வரலாறு
முள்வேலி அணைக்குள் அடங்காக் காட்டாறு
பல்லைக் காட்டிப் பசிதீர்க்கா புயற்காற்று
பெண்ணும் புலியாய்த் தோற்றம் பெற்றதும்
பெண்ணுக்குக் கிடைத்த வெற்றி யல்லவோ
கரிச்சட்டி தேய்க்கவும் குழந்தை சுமக்கவும்தன்
னுரிமை இழந்து முடமாய் வாழ்ந்தவள்
நஞ்சுக் குப்பியை கழுத்தில் சூடி
அஞ்சா நெஞ்சோடு சன்னக் கோர்வையை
சரிபார்த்துச் சுடுகுழல் இயக்கும் மறத்தியர்க்கோ
என்ன துணிவு எத்துணை வீரம்
அண்ணன் வளர்த்த அனல்குஞ்சு கல்லவோ
இரட்டைப் பின்னலை எடுப்பாய்க் கட்டி
இன்முகச் சிரிப்பில் இடரினைக் களைந்து
பன்முக ஆற்றலாய் பாரிலே தோற்றமாய்
பெத்த தாய்க்கும் போதிக்கும் மறைப்பெண்ணாய்
செத்தாலும் மண்ணுரிக்காய்ச் சாவேன் என்றுறுதியாய்
வாழ்ந்த வேங்கைகள் கண்டுதமிழ்த் தாயென்ன
ஞாலத் தாயுமும் தாள்பணிந்து கொண்டாளே!

அண்ணல் திலீபன்

பாரதப் படைகள் கால்வைத் தநாளில்
ஆயிரத்துத் தொள்ளா யிரத்து எண்பத்தேழில்
ஆய்த பலத்தை ஒப்படைத் துவிட்டு
அறத்தின் வழியே புலிகள் நின்றனர்
பாரதப் படைகள் செய்தது என்ன?
நேருவின் பெயரன் செய்தது என்ன?
இந்திரா காங்கிரசு செய்தது என்ன?
இரத்தமும் இறப்புந்தான் தந்த தெமக்கு
நாங்கள் கேட்பது எங்க ளுரிமையை
யாங்கள் கேட்பது எங்களது மண்ணை
நாங்கள் கேட்பது எங்கள் ஆட்சியை
நீங்கள் கேட்டால் நியாய மாவது
யாங்கள் கேட்டால் பயங்கர வாதமோ?
என்னடா உலகம் என்னடா சட்டம்
கோடி மக்கள் திரண்டு அடித்தால்
ஓடிப் போகவேண்டும் என்பதோ நீதி
நடக்க இருக்க பாயில் கிடக்கநம்
நிலத்தில் குந்தி தென்றலை வாங்கி
நிலவைப் பார்த்து நிம்மதியில் பாடி
உலக மாந்தராய் நாமும் வாழ
வேண்டு முரிமை நமதினத் திற்கே
என்றார் தலைவ ரதுதான் உறுதி
இந்தியம் நினைத்ததோ இப்படி யல்லவோ
இருப்பது எதுவோ ஒன்றோ யிரண்டோ
இரண்டகரைக் கொண்டு அழித்து விடலாம்
இந்தியம் சொல்வதும் இதுதான் அல்லவோ
காதில் எமக்குக் பூவைச் சுத்த
கண்ணியத் தலைவன் இடமளிக் கவில்லை
அரியணை யெமக்கு வேண்டவே வேண்டா
அழிவுறு(ம்) மக்கள் உரிமை வேண்டும்
தலைவன் இலக்கை அறிந்த அண்ணல்
தம்மை இலக்காய் உருக்க வந்தார்
இந்தியத்தின் அடிவருடி களாய்க்கிடப் பதைவிட
சொந்தக் காலில் நிற்பதே மேலென்று
மான மொன்றே வாழ்வென வெண்ணிக்
காலை யந்த வேளை நல்லூரிலே
கடுந்தவ மொன்று தொடங்கிற்றுக் கண்டீர்
வாயில் நீரைக்கூட அருந்தாது கந்தன்
வாயிலில் புதிய வேள்வி நடந்தது
ஓரிரு நாள்க ளுருகி நோக
மிடறு வறண்டது குரலு மறுந்தது
உடலும் வெந்தது உயிருஞ் சுருண்டது
ஐயிரு நாள்கள் நம்திலீபன் வேட்கை
கண்டு மிந்தியம் காணாமல் நின்றது
எங்கள் பிள்ளை மேனி வாடியும்
தங்கள் தீர்வை திணித்ததே யிந்தியம்
பதினொரு நாளில் வயிற்றுப் புண்ணுடன்
பட்டினி கிடந்தே பிள்ளை வாடினான்
ஐயோ ஐயோ ஐயா திலீபன்
பன்னிரண்டாம் நாள்பிள்ளை பாடையிற் கிடந்தான்
ஓவொன் றுவானம் அழுதது போல்
ஓலமிட் டழுதன சாலை யெங்கும்
ஐயகோஒ ஒ.ஒ.ஒ.ஒ. ஒ.ஒ.ஒ.ஒ ஒ.ஒ.ஒ.ஒ.
இந்தியம் நம்பிக்கைத் துரோகம் செய்தது
எம்மினம் தம்மிடம் நம்பிக்கை கொண்டது
எத்தனை இடர்கள் வந்திட்ட போதும்
எத்தனை சிறைகள் எம்மை அடைத்தாலும்
எங்களின் தாயக ஓர்மம் அடங்காது
திலீபன் அன்று ஏற்றிய தீபம்
தமிழன் நெஞ்சில் என்றுமொ ளிரும்மே!
_ச.உதயன்_

நீண்ட வழித்தூது

நெகிளப் பந்துகளே
நெகிளப் பந்துகளே
நீண்டு நெடித்து
நீல வானிலே
நிமிர்ந்து செல்கிறீர்கள்
அசைந்து அசைந்து
செல்லுகையிலே
எங்கள் தேசியக் கொடியை
வானில் அங்கிகரித்துச்
செல்கிறீர்கள்
நீண்ட இலக்கு
நீண்ட நினைவு
நீண்ட போரும்
போராட்டமும்
நீண்டே தான்
போகிறது ஆயினும்
தளராதீர்கள்

புடைப்பான்களே
போகும் திசைகளில்
புயல் வந்து தடுக்கலாம்
அவ் வல்லாதிக்கங்களை
எப்படி வெல்வதென்ற
பாடநெறி தந்துள்ளோம்
வெல்வீகள் என்ற
நம்பிக்கை கொண்டுள்ளோம்
விண்வெளியில்
வெள்ளிகளாய் மின்னி
சிலர்
பூச்சாண்டி காட்டுவார்கள்
முகில்களாய்க் கூடி
இடியாய் நக்கலும்
செய்வார்கள்
மின்னல் பேச்சுக்களால்
உங்களில் படமும்
வரைவார்கள்
மாறி விடாதீரகள்
நாகரிகமுள்ள ஓர் இனத்தின்
நாயகர்கள் நீங்கள்
அவ்வளவு விரைவில்
மாறிவிடலாமா? என்ன?

தொடர்பற்றுப் போன பின்
நீண்ட காலமென்றும்
நெடுத்த பயணமென்றும்
கேட்க ஆளில்லை என்றும்
உங்களில் சிலர்
மாறக்கூடும்
விட்டு ஓடக்கூடும்
வேண்டாத விளையாட்டு
இதுவென்று விலகக்கூடும்
மாவீரரையும் மரணித்த
மக்களையும் எண்ணிக்கொண்டே
செல்லுங்கள்
தமிழீழம் விடுபடும்
தென்றல் வீசும்
நம்புங்கள்

காத்துப் பெட்டிகளே
கோடை வெயிலில்
போகும் திக்கில்
தனிவீட்டின் வெளிமாடத்தில்
கூடியிருந்து தேசியத்தின்
அக்கறை போல்
தேசியக் கொடி
மாற்றம் பற்றிப் பேசுவார்கள்
காறித்துப்பிவிட்டுச் செல்லுங்கள்

ஆண்டாண்டு காலமாய்
அரத்தஞ் சிந்தி சிந்தி
ஆங்கிலேயரிடமிருந்து
விடுதலையான (ஸ்)கொத்லாந்தைக்
கடக்கும் போழ்து
வாழ்த்துப் பெற்றுச்செல்லுங்கள்
அருகே,
காட்டிக் கொடுத்து
காட்டிக் கொடுத்து
வாழமுடியாமல் இன்னும்
போராடும் அயர்லாந்து
பக்கம் செல்லாதீரக்ள்

அங்கே தான் அங்கேதான்
கொடுங்கோலரைத் தங்ககதில்
தங்கவிடாது விரட்டியடித்த
மானத் தமிழ்மாந்தர்
தாயக வேட்கையோடு
அதே மண்ணில் தான்
தமிழினப் படுகொலையை
உலகுக்குக் காட்டிய
ஒளியலை (4)நான்கும்
கையெடுத்து கும்பிடுங்கள்
எங்கள்
நம்பிக்கை ஒளி

இங்கிலாந்தைத் தாண்டவும்
இரண்டாம் உலகப்போரில்
இடியுண்டு போன
இனங்களையும் புதிதாய்த்
தோன்றிய நாடுகளையும்
காண்பீர்கள்....
பாலை தாண்டவும்
பாதிக் களைப்பு
வந்துவிடும்
முடிச்சை அவிழ்த்து
மூச்சை எறியலாம் என்றும்
எண்ணம் வரும்
இது நம் பிறங்கடைகளின்
எதிர்காலத்தை உருவாக்குவதற்கான
உழைப்பு ஏன் களைப்பு
ஓரிருவராயினும் ஒருங்கிணைந்து
செல்வோம் என்ற உறுதியோடு
செல்லுங்கள்

எம் குழந்தைகளையும்
குடும்பித்தினரையும்
கொட்டக் கூடாத குண்டெல்லாம்
கொடுத்து இனமழித்த இந்தியம்
காந்தியத்தின் பொய்யும்
கொண்ட நாட்டையும்
கடந்தால் அப்பால்
ஒரு தீவு
இரு வேறு வாழ்வாதாரம்
என்றுமே சேராது
சேரவே சேராது
இருநாடு என்பதே
அமைதி வேண்டும் தீர்வு
அந்த அமைதியின் வரவுக்காய்
அழுகுரலின் நடுவே
ஒரு தமிழ்ப்பிஞ்சு
அதன் இருகைகளிலும்
சேருங்கள் சொல்லுங்கள்
தமிழரின் தாகம் தமிழீழத் தாயகம்.
ச.உதயன்.

அண்ணையின் அன்னைக்கு

பாராண்ட இனமொன்று
......பரித்தவித்த வேளையிலே
பாராள வேண்டுமென்று
......பெருமகனைக் கொடுத்தனையே
தானாள வேண்டுமென்று
.......ஒருபோதும் நினைத்ததில்லை
தமிழாள வேண்டுமென்றே
.......தம்பியரும் நினைக்கின்றார்
சீராளன், சீராளன் சினந்தாலோ
.......சிங்களத்தான் படையுடையும்
ஆனாலும் தாயே
.......அவன்வாயால் "அம்மே"
என்றழுதாலோ அவனுக்கும்
.......உயிர்ப் பிச்சை
அளிக்கின்ற வீரம்
.......அவனெல்லவோ மறவன்.

அம்மகனை ஈன்றெடுத்தாய்
.......அதுவே நற்பேறே
வம்பனாய் தும்புக்குப்
......போனதுமில்லை போக்கிரியாய்
சண்டைசச்சரவு செய்ததோயில்லை
.....தமிழர் நோவதைக்
கண்டவுடனே களத்தில்
.....குதித்தான் வீரர்மரபாய்
ஆயினும் இரண்டகன்
.....பஸ்ரியாம் பிள்ளை
கடைக்குட்டி யவனையொருநாள்
..... கம்பியெண்ண வைப்பனென்பான்
முடிந்தால்நீயும் பிடியேன்
........அதற்கு முன்பே உன்னையவனும்
பிளந்து போடுவான் என்பாய்
..........அன்னையேயுன் பேச்சில்
தமிழ்த்தாய் பூரித்தாள்
......நீயின்றிஆரோ தமிழ்த்தாய்

வாசகசாலைக் குற்றியிலே
.....வரிசையாய் இருந்து
நகைச்சுவை சொல்லி
....நாள்கழித்த கூட்டத்திற்குத்
தெரியாது தாயே
.....போராட்டத்தின் வலி
குண்டுக்கும் நடுவில்
......குப்பிக்கும் அருகில்
மண்மூட்டைக்கும் இடையில்
.....பார்வல் இருக்கையில்
இருந்தானுக்குத் தானே
....தெரியும் விழுப்புண்ணின்
வேதனையும் தாகமும்
........விடுதலையின் பண்ணும்
முப்பதாண்டுகள் மண்டையுடைந்து
.......முக்கிமுக்கி முடியாதென்று
முப்பஃது நாடுகளைக்
......கூவி அழைத்து
மக்களை எல்லாம்
.....நரபலி ஆக்கி
இராசபட்சிகள் வென்றோவிட்டன
.....ஒருபோதுமில்லை வெல்வோம்

மாவீரன் முத்துக் குமரனுக்கே

ஈழத்து மக்கள் இழந்ததை மீட்கவே
ஈனப் பிறவிகள் இருப்பிடம் துரத்தவே
மீளாத் துயரில் மனதது உறுத்தவே
மீட்க வந்தனன் முத்துக் குமரனே

அண்ணா சிலையும் ஆடுமாப் போல
கண்ணாடிக் குருடன் ஆளும் நாட்டிலே
கருணாக் கும்பல்கள் கத்தி வாளோடு
அரக்கம் ஆடியதோ முத்துக் குமரனே

அகிம்சை வழியிலே ஆய்தம் தரிக்காது
மகிந்தா கருணா கொடுங்கோல் சாய்க்கவே
அகிலம் தழைக்கவே அமைதி பிறக்கவே
அகலாய் ஒளிர்கின்றனை முத்துக் குமரனே

அறுக்க வறுக்கவே அறுகும் வேர்விடும்
அறுக்கும் அடிவாழை தழைத்தே நிமிரும்
பொறுப்போம் பொறுப்போம் பொறுமை இழக்காது
பொறுத்தார் புவியாள்வார் முத்துக் குமரனே

தீயிலே வேகினை தேகம் கருக்கினை
தோய்ந்து அரத்தத்திலே தேகம் சரித்தனை
ஆயினு மேறுவோம் புலியணை நாளையேநம்
பாயிர வாழ்த்திலும் முத்துக் குமரனே

_ச.உதயன்.

குற்றத்தாளிகை

கொத்துக் குண்டுகளும் கொத்தணிக் குண்டுகளும் நச்சுக்குண்டுகளும் நாசிக்குண்டுகளும் அடுக்கடுக்காய்க் கொட்டி குழந்தைகளையும் குடும்பங்களையும் ஏன் இனத்தையே கொன்று குவித்த பின்னரும் பெண்கள் மீதான வன்புணர்வுகள் இளையவர்களை கொத்தியும் வெட்டியும் சுட்டும் கொன்ற பிற்பாடு தமிழரின் வரலாற்று அடையாளங்களை இல்லாதொழித்த பிற்பாடு. மூவிலக்க மக்களை சிறைப்படுத்திய பிற்பாடு சிறையிருக்கும் உறவுகள் பேசிக்கொள்ளும் போழ்து. இது தான் நடக்குமென்று வன்னி போர்மக்கள் அனைவருக்கும் தெரியும் அவர்கள் உரையாடலும் அதுவே........?

தமிழரசி:) அடி தமிழ், போர் முடிந்தாச்சு என்று எல்லோரும் பேசிக்கொள்கிறார்கள். ஆனால் எங்கள் பாடு இன்னும் சிறைக்கூடத்தில் தானடி கழியுது.

தமிழினி:) அக்கா நாங்கள் எவ்வளவு பாடுபட்டும் எங்கட சனம் உரிமைப்போரை விளங்கிக்கொள்ளவில்லையோ?

தமிழரசி:) அறிவு சார்ந்த எம்மவர்களை தான் தெளிவுபடுத்த வேண்டும். ஆனால் அவர்களே விடுதலைப்புலிகள் தவறிவிட்டனர் என்று நெருப்பையள்ளி கொட்டுகிறார்கள்.

தமிழினி:) தலைவர் சற்று இறங்கி நோர்வே சொன்னது போல செய்து இருக்கலாமா?

தமிழரசி:) தயவு செய்து நோர்வேயைப்பற்றி பேசாதடி;நோர்வே தான் இப்பொழுது தமிழ் மக்களின் உரிமைப் போராட்டாத்தைப் பற்றி சரியாக உலகத்துக்கு எடுத்துச் சொல்லவேண்டும்.நோர்வே எரிந்த வீட்டில் எடுத்ததெல்லாம் நயம் என்று நடந்து கொள்கிறது.

தமிழினி: நோர்வேயும் ஏமாற்றிவிட்டதா அக்கா!

தமிழரசி:)ஓமடி, பாதுகாப்பில்லாத போது நோர்வே ஏன் சொன்னது? வெள்ளைக்கொடியோடு வாருங்கோவென்று. நடேசன் , புலித்தேவன் அண்ணை உட்பட நாற்பதுக்கும் மேற்பட்ட அரசியல் போராளிகளை அரசப் படைகள் கொல்வதற்கு நோர்வேதான் கரணியம். அது மட்டுமல்லடி அமைதிப் பேச்சை சிறிலங்காவரசு எப்படி உடைத்தது என்ற ஆவணத்தை தமிழ்ச்செல்வன் அண்ணையாக்கள் ஒப்படைத்துள்ளனரென்று தமிழ்ச்செல்வன் அண்ணையே என்னிடம் கூறியுள்ளார்.

தமிழினி:) அப்படியா? நோர்வே அதைப்பற்றிப் பேசாமல் வேறு பேசிக்கொண்டு தமிழ்மக்களை ஏமாற்றிக் கொண்டிருக்கிறதுதா?

தமிழரசி:) ஆமாம்.இலங்கா அரசு தலைவர் இராசபட்சேவை தப்பிக்க வைத்துக்கொண்டிருக்கும் நாடுகள் தம் ஆதாயத்தைத் தேடிக்கொண்டு இருக்கின்றன.

தமிழினி:) சரியக்கா, நாடுகளை விடுங்கோ நம்மட சனங்களும் ஏன் அந்த நாடுகளோடு சேர்ந்து இனத்தைக் கேலி செய்கிறார்கள்.

தமிழரசி:) புலிகளாகிய எங்கள் மீதுள்ள சினத்தை வைத்து தாம் வாழப்பார்கின்றனர். இனி இயலாது என்ற அவ நம்பிக்கையில் அலுத்துக்கொள்கின்றனர். காலநீட்சியில் கவலை கொள்கின்றனர்.

தமிழினி:) இனித் தமிழ்மக்களென்ன செய்யலாம்?

தமிழரசி:) முதலில் இருக்கைகளை விட்டு முதல் தலைமுறையினர் எழுந்து அடுத்த தலைமுறையிடம் கொடுக்க வேண்டும். அவர்களுக்கு வேண்டிய நிதி உதவிகளைக் கொடுத்து உலகெங்கு போர்க்குற்ற வாளிகளுகு எதிராக உலக நாடுகளில் காலந்தாழ்த்தாது வழக்குப் பதிவு செய்ய வேண்டும். அதை அடுத்த தலைமுறையினரே செய்யவும் வேண்டும்.

தமிழினி:) உலக நாடேங்குமா?

தமிழரசி:) தமிழருக்கு அமைதியேற்படுத்தித் தருவதாய் ஏமாற்றிய நாடுகளில் முதலில் வழக்குப் பதிவு செய்ய வேண்டும். உலக அறமன்றம், அமெரிக்கா,நோர்வே, நெதர்லாந்து, தென்மார்க், இவற்றோடு ஐரோப்பிய நாடுகளில் முதல் ஏற்பாடாக மக்கள் பொதுஅமைப்புகள் தமிழ்ச்சங்கங்கள் மக்கள் அவையினர் இளையோர் அமைப்புகள் ஒன்ருபட்டு செயற்பட வேண்டும்

தமிழினி:) அங்கெல்லாம் வழக்குகள் தோற்றால் பணம் வீணாகும் அல்லவா?

தமிழரசி:) நாம் எத்தைனையோ இழந்தோம். புலம்பெயர் மக்கள் ஒன்றைத் தெளிவாக விளங்கிக்கொள்ள வேண்டும். தோற்றாலும் அவற்றை வைத்து வாதாடுவதற்கு எங்களுக்கு வாய்ப்புண்டு. அதனால் பணத்தைப் பற்றிக் கவலைப் படாமல் வழக்குத் தாக்கல் செய்யதால் பிற்காலத்தில் நன்மையுண்டு என்பதை அறிஞர்கள் தெளிவுபடுத்தவேண்டும்.

தமிழினி:) சரியக்கா அரசு ஏன் இப்பொழுது ஈ.பி.டி.பி யை ஒதுக்குகிறது.

தமிழரசி:) கடிநாயை விட காவல் நாய் உதவுமே என்றுதான்.....

தமிழினி:) புரியவில்லை அக்கா.

தமிழரசி:)அடியே தோழி இடக்லசை விட கூட்டமைப்பு உதவுமென்றேதான். இருந்தால் பாரேன் கூட்டமைப்போட விளையாட்டை................?

தமிழினி:) இலங்கா அரசு உலகெங்கும் தங்கட இராணுவத் தளபதிகளை அனுப்புவதற்கு கரணியம் என்ன அக்கா?

தமிழரசி:) உலகத்திலேயே பெரிய பயங்கர வாதிகளை அழித்து விட்டதாய் உலக இராணுவப் பின்னலை வலுப்படுத்துவற்கும். தமிழ் ஆயுதக் குழுக்ழோடு உறவைத் தேடிக்கொண்டு தமிழ்மக்களின் போராட்டங்களைத் தடுக்கவும். உள்நாட்டு தள்பதிகள் மோதலைக் குறைக்கவும். போர்க்குற்றவாளிகள் நற்பெயரெடுக்கவும் தான்.

தமிழினி:) தமிழ்மக்கள் எப்படி தமக்குரியதாய் மாற்ற முடியும்.

தமிழரசி:) மக்கள் பொது அமைப்புகளோடு சேர்ந்து முதலில் அக்குற்றவளிகளுக்கு எதிராக; அதன் பின்பு அவர்களை செய்யச்சொன்ன அரசுக்கு எதிராக;அதன்பின்பு இலங்கா அரசுக்கு எதிராக குற்ற வழக்கைத் தொடரவும் வேண்டும்.

தமிழினி:)அப்படிச்செய்தால் தனிநாடு கிடைத்து விடுமா?

தமிழரசி:) இலங்கா அரசுகள் செய்தது இனப்படுகொலை இதன் பின்னணியில் இருந்தது இந்தியா. அதை கோத்தபாயா அடிக்கடி பதிவு செய்திருக்கிறார். ஒளிக்காட்சிகள்,ஒலிபேழைகள்களின் ஆதாரங்கள் உள்ளன. ஒரு தேசியத்துக்கெதிராக நடத்தப்பட்ட அப்பட்டமான படுகொலைகள்.

தமிழினி:) தமிழீழம் கிடைகவேண்டும் அக்கா, அப்பத் தான் இந்த இனம் மீளும்.அதுசரியக்கா எங்களைப்பற்றி அதாவது தமிழ்மக்களைப்பற்றி அமெரிக்கா கரிசனை கொண்டுள்ளது.

தமிழரசி:)அதுவெல்லாம் அமெரிக்காவின் நடிப்பு. புதுவை அவர்கள் அன்றே அமெரிக்காவின் நிலைப்பாட்டை தனது கவிதையில் வடித்துள்ளார். இந்தியாவும் அமெரிக்காவும் முன்னுக்குப் பின் எதிரியும் நண்பனும், இது இலங்கா ஆட்சியாளருக்குக் கொண்டாட்டம் எம்மக்களுக்குத் திண்டாட்டம் இவர்கள் எமக்குதவார். நம் புலம்பெயர் சொந்தங்கள்தான் வல்லரசுகளின் வாய்ச்சொல்லில் சிக்காது மூச்சோடு செயற்படவும் வேண்டும்???????????

யாவும் கற்பனை

வள்ளுவராண்டு சுறவம் ௨ய௪௨ (2042)

நாம் இன்று பொங்கலை அன்னைபூபதி தமிழ்க்கலைக்கூடத்தின் முன்றலில் பொங்கினோம். தமிழீழத்தின் கிழக்கு தண்ணீரில் மூழ்கிக் கிடக்க இப்பொங்கல் தேவையா? என்ற கேள்வியை அறிவு சார்ந்தோர் எழுப்பியிருந்தனர். ஆனாலும் புலம் பெயந்த நாடுகளில் வாழும் எம்குழந்தைகளுக்கு தைப்பொங்கல் செய்வதை ஒரு செய்முறையாகக் காட்டவே தமிழ்க்கலைக்கூடம் ஏற்பாடு செய்திருந்தது. நிகழ்வில் கலந்து கொண்டோர் பலர் தண்ணீரில் மிதக்கும் நம் தாயகத்திற்கு உதவியும் செய்து கொண்டிருந்தனர்.
பிள்ளைகள் பலர் தைப்பொங்கல் பற்றிக் கவிதைகள் , கட்டுரைகள் எழுதுவதற்காக நேரில் வந்து பார்த்து பூரிப்படைந்தனர்.கடுங்குளிர் சூழ்ந்த பனிகொட்டும் வேளையும் நாம் பொங்கலைப் பொங்கினோம். கோலமிட்டு தென்னங்குருத்தினால் தோரங்கள் கட்டி மிகச்சிறப்பாக புதுப்பனையிலே பொங்கலைப் பொங்கினோம்.
பொங்கி முடிந்ததும் கதிரவனுக்குப் படைத்துப் பின் அனைவரும் பொங்கலை உண்டோம். நன்றி செலுத்தும் இந்நாளிலே அனைவரும் நன்றி உணர்வோடு தம் வாழ்த்துகளை தெரிவித்தனர்.நானும் என் நண்பர்களுக்கும் கலைக்கூட ஆசிரியர்களுக்கும் வாழ்த்தைத் தெரிவித்தேன்.



_ச.உதயன்_

பொங்கலோ பொங்கல்

காளை மாடுகள் ஏர்பூட்டி
காலை மாலையும் மண்புரட்டி
சேற்றில் நின்றுதான் நாற்றிறுக்கி
சேர்ப்பார் மூட்டையில் நல்மணியே!

பொங்கல் பொங்கிட நல்மணிகள்
எங்கும் வீட்டினுள் காத்திருக்கும்
கங்குல் சூழ்ந்த முற்றத்தில்
பொங்கல் வேலைகள் தொடங்கிடுமே!

வாழை தோரணம் கரும்புடனே
நாலாய்ப் பக்கமும் அலங்கரித்து
கோலம் மாவினால் போட்டுவைக்க
காலை யாதவன் வருவானே!

வந்த ஆதவன் மகிழ்ந்திருக்க
சிந்தும் வெள்ளொளி பயனாக
பொங்க வாயிலே பால்திரண்டு
பொங்கல் பொங்குவோம் தமிழினமே!

பொங்கலோ பொங்கல்

_ச.உதயன்_

௨ய௪௧

ச.உதயன்:)
கங்குல் படர்ந்த கடுங்குளிர் தன்னிலே
செங்கனல் கக்கிய சீர்வாணம் - எங்கு
மொளியை பரப்பியது போன்ம்தமிழர் பொங்கும்
மொழிப்பகை வீழ்த்துவார் காண்

அருள்சீலன்.கரிசன்:)
கலப்பனதான் கலந்தால் ஓர்பெயரே கலக்காவாம்
விலக்கென்ற பின்விளையின் இழிபெயரே -முலைப்பாலில்
கஞ்சியினைக் கலப்பின் முலைப்பாலே பாலோ
நஞ்சினையே நாம் கலந்தபின்?

ச.உதயன்:)
தங்கமே தாரகையே பொய்கையே பேரொளியே
எங்குமே பொங்கியெழும் வாரியே - மங்குவாளோ
எங்கள் தமிழ்மொழித் தாய்

புத்தாயிரத்தில் நகரும் பத்தாண்டு

அகல்கள் விழித்திருக்க அகிலம் மகிழ்ந்திருக்க
இகழின்றி இனிக்குமென இன்முகதோடு பூத்தது
இன்னுமொரு புத்தாயிரம் இருபத்தொன் றெனநல்
இனத்தினொடு இதழ்விரித்து எழுந்தது புத்தாண்டு
ஒன்றாய் இரண்டாய் ஒவ்வொன்றும் நகந்தது
ஒன்றாது இரண்டாய் உலகத்து இடரோடு
நகர்கிறது நரகவாழ் பத்தாண்டு இன்றோடு
நாறும் பிணங்கள் நீறாய் போகட்டும்
நரிகளின் அரசியல் நூறாகிப் போகட்டும்
நல்லோர் வாழ்வுக்காய் நகரட்டும் ஆண்டு
நல்லதொரு ஆண்டு பதினொன்று ஆம்நம்
மீழமக்கள் நலத்தைக் கொடுக்க

நம் சுற்றுலாப் பயணம்.

ஓசுலோவிலிருந்து துரண்கெயிம் வரை, துரண்கெயிமிலிருந்து ஓசுலோ வரை(Oslo - Trondheim/ Trondheim - Oslo). நம் சுற்றுலாப் பயணம்.

நண்பகல் ஒரு மணியளவில் சிற்றூர்தியில் புறப்பட்டோம். மழை பெய்து கொண்டிருந்தது அதனால் வேகமாக ஓடாமல் அளவாகவே ஓடிக்கொண்டிருந்தோம். விண்ணூர்தி நிலைய தங்ககத்துக்கு அருகில் எரிபொருள் நிலையம் உள்ளது. அங்கே சற்று ஓய்வெடுத்துக் கொண்டோம்.அதன் பின்,
அங்கிருந்து கிட்டத்தட்ட மூன்று மணிநேரம் பயணித்து காமார்(Hamar) என்ற இடத்தை அடைந்தோம்.அங்கு பனிகால ஒலிம்பிக் நடந்த உள்ளரங்கம் உள்ளது.அங்கு ஒலிம்பிக் நடைபெற்ற ஆண்டு ஆயிரத்து தொள்ளாயிரத்து தொண்ணூற்று நான்கு.நாம் அவ்விடத்தில் நின்று மீண்டும் ஓய்வெடுத்துக் கொண்டோம். அங்கே உணவரிந்தி விட்டு சின்னகாமாருக்குச் சென்றோம்.பல மணிநேரம் பயணித்து சின்னகாமாரை அடைந்தோம். அங்கே உள்ள பேரங்காடியில் சில பொருள்கள் வாங்கிக்கொண்டு குளிர்கூழும் உண்டுவிட்டு சிற்றூர்தியில் மீண்டும் பயணித்தோம்.சிலமணி நேர ஓட்டம் இருமருங்கிலும் காட்டுமரங்கள் ஆற்றின் ஓட்டம் அழகான இயற்கைக் காட்சி.சின்னகாமாருக்கு(Lille Hammar) அடுத்ததாய் ஒய்யர் (øyer) என்ற இடத்தில் கம்பளியாடுகள் மேய்ந்துகொண்டு நின்றன. அதன் அருகில் தற்கால தங்குமிடம் ( champing ). அங்கே பல இடங்களிலும் இருந்து நோர்வேநாட்டவர் வந்து தங்குவதுண்டு.அங்கு பேர்கன் என்ற இடத்தைச் சேர்ந்த வெள்ளைக்காரரை சந்தித்தோம். அவர்கள் மகிழ்வான நண்பர்கள். அவர்களோடு சிறிது நேரம் உரையாடிவிட்டு அங்கிருந்து புறப்பட்டோம்.பின்,
நெடுஞ்சேய்மையாகப் பயணித்துப் பல மாநிலங்களினூடாக இறிங்கபூ(Ringebu) அடைந்தோம். அதற்கிடையில் மலைத்தொடரினூடாக அருவிகளையும் ஆற்றின் ஓட்டத்தையும் கண்டுகளித்தோம்.அடுத்து வின்சுதிறா( Vinstra), வின்சுதிறா (Vinstra) ஒரு அழகிய ஊர். அங்கும் பல சிறப்புகள் உண்டு. மலையடிவாரத்தில் அமைந்துள்ள அவ்விடம் பார்ப்பதற்கு மிகமிக மகிழ்வானது.நிற்க, (முன்பு ஒரு முறை தொடர் வண்டியில் துரோணியம் செல்லும் போது இடையே இங்கிருந்து வின்சுதிறா (Vinstra) சில தொலைவில் ஆறு பெருகிவிட்டது அதனால் தொடர்வண்டி செல்லாது என்று ஏந்துகளாக பேருந்துகளை ஏற்பாடு செய்திருந்தனர். அது எமக்கு தெரியாது.அவ்வண்டி மீண்டும் ஓசுலோ திரும்பியது. அதையறிந்து ஓடிக்கொண்டிருந்த போதே வண்டியில் பயணரோடு பேசினோம் உடனே அடுத்த தரிப்பிடத்தில் இறக்கிவிட்டார்கள்.
மீண்டும் நிற்க,
அவர்களின் உதவியோடு மகிழுந்தில் துரோணியம் சென்றோம். அதற்காக கொடுத்த பணம் பதினேழாயிரம் குரோணர். அப்பணத்தைப் பயணமுகவர்களே பொறுப்பேற்றனர்.அதனால் அன்று இறங்கிய இவ்விடத்தை எம்மால் மறக்க முடியாது).வின்சுதிறா(Vinstra) தாண்டி ஒத்தா(Otta) ஊடாக சென்ருகொண்டிருந்தோம். ஒத்தாவில்(Otta) தங்குமிடங்கள் செய்திகொடுக்கும் பலகை அருகே ஓய்வெடுக்க ஏந்துகள் அமைக்கப்பட்டிடுந்தன.
சென்ற வாட்டி பன்றி இறைச்சியும் இறைச்சிக் கலவை உணவும் சுட்டுச் சாப்பிட்டோம்.
இம்முறை தொவ்றே(Dovre) எரிபொருள் அருகே இறைச்சி சுடுவதற்கு அமைக்கப்பட்ட இடத்தில் அமைதியாக சாப்பிட்டும் ஓய்வெடுத்தும் கொண்டோம் .

நேரம் என்னவாக இருக்கும் என்று பார்தால் இரவு பத்துமணி.ஒசுலோவிலிருந்து(Oslo) தொவ்றே(Dovre) சிற்றூர்தி ஓட்டம் ஏ6 வழியாக கிட்டத்தட்ட ஒன்பது மணிநேரம் கழிந்துள்ளன. தொவ்றேவிலிருந்து கிட்டத்தட ஒருமணிநேரம் பயணித்து உடொம்பசு(Dombås) என்னும் இடத்தை அடைந்தோம்.

அங்கே உணவகங்கள் எரிபொருள் நிலையங்கள் தங்குமிடங்கள் உல்லாச பயணிக்கான செய்திப் பலகையென அனைத்து ஏந்துகளும் உள்ளன. நாங்கள் அங்கு நின்று ஓய்வெடுப்பதுண்டு.உடொம்பொசில்(Dombås) இருந்து இருகிளையாக பிரிகிறது ஒன்று ஓளசுண்டு (Ålesund)மோள்டே(Molde)மோள்டேயில் நம் தமிழரும் வாழ்கின்றனர்.அங்கு தமிழ்ப் பள்ளியும் உண்டு. மற்றையது துரண்கெயிம்.

நாம் துரண்கெயிம் பயணித்தோம். உடொம்பசிலிருந்து(Dombås) ஏ6 தொவ்றே மலைத்தொடர்(Dovre fjell) ஊடாக நீண்டவழிச் சேய்மை பயணிக்க வேண்டும் . உச்சிமலை, மக்கள் இருப்பிடங்கள் இருக்காது. அடிக்கடி ஓய்வெடுக்க இடங்கள் உள்ளன.ஒரு நாள் செல்லும்போது கடுமிடி மின்னலோடு மழை பெய்து கொண்டிருந்தது.சிற்றூர்தி அடிக்கடி ஆடியது. காற்றை அளப்பதற்கு காற்று அறிகருவியும் ஓரிரு இடத்தில் பொருத்தியுள்ளனர். பகலில் பார்த்தால் நாங்கள் துறக்கத்தில் நிற்பதாக தோற்றும் அவ்வளவு அழகு. சித்தப்பயிற்சி செய்வதற்கு ஏற்ற இடம்.நீண்டவழி பயணித்து ஒப்தாலை(Oppdal)அடைந்தோம் .சிறிய ஊரெனினும் அழகாக நகரம் போல் இருந்தது ஓடும் போது கவனம் வேண்டும் குடியிருப்புகள் பல உள்ளன. அங்கே ஓடும் அளவு மணிக்கு ஐம்பது கிலோமீற்றர்(50km/h).அங்கு விண்ணூர்தி நிலையமும் உண்டு.அங்கிருந்து பயணித்து சோறன்(Støren) இடத்தை அடைந்தோம். பண்ணைகள் நிறைந்த இடம். தங்குமிடங்களும் உண்டு. ஓய்வெடுக்காமல் நேரே துரண்கெயிம் சென்றோம். துரண்கெயிம் இருப்பிடத்தை அடைந்த பொழுது மணி விடியற் காலை இரண்டுமணி.ஒசுலோவில் (Oslo) இருந்து துரண்கெயிம் (Trondheim) வரை பன்னிரண்டு மணிநேரம்.



மீண்டும் தொடரும்......

அன்பென்ற மழையிலே அகிலங்கள் நனையவே...

ஆய்தங்களால் உலகை வாங்க பற்பல நாடுகள் முயலுகின்றன. அன்பில் எதையும் பெற்றுவிட முடியும் என்பதையே இப்பாடல் உணர்த்துகிறது. கவிப்பேரசு வைரமுத்து அவர்கள் எத்தனையோ பாடல்களை எழுதினாலும் இப்பாடலூடாக பிறவிப்பயனை அடைகின்றார். உலகம் பிறவிப்பயனை அடைய வேண்டுமானால் எல்லோரும் அன்புக்காய் உழைக்க வேண்டும்.

ஒவ்வொரு பூக்களுமே சொல்கிறதே

இப்பாடலைக் கேட்டதுமே மீண்டும் புத்துயிர்ப்புப் பிறக்கிறது. இப்பாடலை எழுதிய பாடலாசிரியர் பா.விஜய். இப்பாடல் பாடநூலில் இடம் பெற்றமை கவிஞருக்குக் கிடைத்த வெற்றி. இலக்கை நோக்கிச் சென்று கொண்டே இருப்போம்; வெற்றி எமதாகும் என்றோ ஒருநாள்.........

எருமைகளைப் பாருங்கள்!!!!!!

காட்டிலே வாழும் விலங்களின் கதையிது,
காட்டு எருமைகளை இலக்கு வைத்து அரிமாக்கள் காத்திருந்தன. ஆண், பெண், கன்று மூன்றும் மேய்ந்து கொண்டு வந்தன. அரிமாக்களின் அருகில் வந்ததும் அவற்றின் எண்ணமறிந்து மீண்டும் ஓட்டமெடுத்தன.கரிமாக்களில் ஆணையும் பெண்ணையும் இரு அரிமாக்கள் துரத்திச்செல்ல கன்றை ஒரு அரிமா துரத்திக்கொண்டு காற்றடம் போட்டு வீழ்த்தவும் கன்று கவிழ்ந்து புரண்டு குளத்துக்குள் வீழ்ந்தது.வீழ்ந்த கன்றை அரிமாக்கள் சூழ்ந்து கொண்டன. குளத்தில் இருந்து சாகடித்து வெளியே கொண்டு வர அரிமாக்கள் முயற்சித்த போழ்து; குளத்தில் இருந்த முதலையும் கன்றை இறைச்சிக்கு பதம் பார்த்தது. அரிமாக்கள் கன்றை வெளியே கொண்டு வரவும்; முதலை கன்றின் காலை கௌவிப்பிடித்து இழுத்தது, அரிமாக்கள் வெளியே கொண்டுவந்து கொல்வதற்கு முயற்சித்துக் கொண்டிருந்த போழ்து கன்றும் போராடிக் கொண்டிருந்தது. துரத்துப் பட்டு ஓடிய கரிமாக்கள் கூட்டத்தைக் கூட்டிக் கொண்டு கன்றை மீட்கும் போரில் இறங்கின.அவை அஞ்சினாலும் கன்றின் கதறல் கேட்டு கரிமாக்கள் ஓர்மம் கொண்டு போராடத் தொடங்கின.
கரிமாக்களில் ஒன்று (தாயக இருக்கக் கூடும்)அரிமாக்களை தனது கொம்புகளால் தூக்கி எறிந்தது. அரிமா ஒன்று தூக்கியெறியப்பட்டது. கூட்டமாக இருந்த அரிமாக்களை தமது வலகரத்தால் பிரித்து போரிட்டன. அதில் அவை வெற்றிகண்டன. ஒவ்வொன்றாக அரிமாக்கள் துரத்தியடிக்கப் பட்டன. போராடிக்கொண்டிருந்த கன்றை விடுவிக்கும் வரை கரிமாக்களும் போராடின. இறுதியில் கன்றும் மீட்கப்பட்டது. அரிமாக்கள் மீண்டும் வந்து தாக்காதபடி எல்லைக் காவலாக எருமைகள் செயற்பட்டன.

1948 ஆம் ஆண்டிலிருந்து தமிழீழத்தை விடுவித்து தன்னிறைவான நிலமாக ஆக்கவேண்டுமென்று தந்தை செல்வா காலம் தொடங்கி பற்பல போராட்டங்களின் பின் கரிகாலன் மகன் காலமாகிய 2009 வரை அறுபது ஆண்டுகால போராட்டத்தில் பற்பல இடையூறுகளை தமிழினம் கண்டுள்ளது. சிங்களவரோடு போராடிய எம்மை முதலை போன்று இந்தியாவும் விழுங்க முயற்சித்த போழ்து, தேசியத் தலைவர் மே.தகு. வே.பிரபாகரன் முனைப்புடன் பிடிகொடுக்காமல் போராடினார். முள்ளிவாய்காலில் தமிழ்மக்களின் அழிவுக்கு படைமுன்னெடுப்புகளை இந்தியா எடுக்க அதனோடு பத்தொன்பது நாடுகள் ஊக்கம் கொடுத்தன. அவ்வவலத்தைப் புரிந்து கொண்ட தேசியத் தலைவர் புலம் பெயர் மக்களுக்கு 2008 ஆம் ஆண்டு தெளிவான கொள்கையுரையை வழங்கினார்.அதை புரிந்து கொண்ட புலம்பெயர் மக்கள் போராட்டத்தில் குதித்தனர். ஆனால் ஐ.நா வல்லரசுகளின் கைபொம்மையாக இயங்கியதால் கைகட்டி வேடிக்கைபார்த்து.
கரிமாக்களின் கன்று போல் மீளவேண்டிய தமிழீழம் ஓலத்தோடு விடிகிறது...............